di killaz a Kigale
mus be sanitary workaz
di butchaz a Butare
mus be sanitary workaz
di savagiz a Shatila
mus be sanitary workaz
di beasts a Boznia
mus be sanitary workaz
pra-pram-pram
inna di new word hawdah
like a ditty ole bandige
pan di festahrin face a umanity
ole hawdah anravel an reveal
ole scar jus a bruk out inna new sore
primeval woun dat time wone heal
an in di hainshent currency of blood
tribal tyrants a seckle de score
di killaz a Kigale
mus be sanitary workaz
di butchaz a Butare
mus be sanitary workaz
di savagiz a Shatila
mus be sanitary workaz
di beasts a Boznia
mus be sanitary workaz
pra-pram-pram
inna di new word hawdah
an is di same ole cain an able sindrome
far more hainshent dan di fall of Rome
but in di new word hawdah a atrocity
is brand new langwidge a barbarity
mass murdah
narmalize
pogram
rationalize
genocide
sanitize
an di hainshent clan sin
now name etnick cleanzin
an so
di killaz a Kigale
mus be sanitary workaz
di butchaz a Butare
mus be sanitary workaz
di savagiz a Shatila
mus be sanitary workaz
di beasts a Boznia
mus be sanitary workaz
pra-pram-pram
inna di new word hawdah